Futbollistët e Shkëndijës vazhdojnë punën me intenzitet të shtuar, ndërsa të mërkurën me fillim në orën 15:00 sipas kohës tonë lokale do të zhvillojnë përballje kontrolluese me skuadrën sllovake, Podbrezova.
Ekipi ‘kuqezi’ sot ka lënë pas dy seanca tjera stërvitore me një intenzitet të lartë që imponon shefi i stafit teknik, Tomas Brdariç. Ushtrimet e forcës në palestër, vrapimet për akumulim të kondicionit fizik dhe ushtrimet në teren në aspektin tekniko-taktik janë ‘meny’-ja e zakonshme të cilën stafi teknik e ‘servir’ për futbollistët, të cilët në maksimum plotësojnë kërkesat ndaj tyre. Gëzon atmosfera e mirë dhe përkushtimi ndaj detyrave profesionale. Sot sërish në seancën stërvitore të Shkëndijës është paraqitur trajneri i njohur gjerman dhe seleksionues aktual i përfaqësueses së Rumanisë, Krishtof Daum.
Shihni fotogalerinë e plotë
Të mërkurën para dite ekipi sërish do të ketë seancë stërvitore, ndërsa pas dite në orën 15:00 (sipas kohës lokale në Maqedoni) do të zhvillohet testi i tretë në Truqi, kur ‘kuqezinjtë’ përballen me skuadrën e Podbrezovës së Sllovakisë. Kjo do të jetë edhe një mundësi e rradhës për stafin teknik për të parë nivelin tekniko-taktik të cilin e ka arritur skuadra në këtë fazë të përgatitjeve.