Fitorja bindëse 4:1 përballë Tikveshit ka lënë të kënaqur trajnerin Qatip Osmani që vlerësoi performansën e kuqezinjëve në xhiron e 27-të. Milev zhbllokoi rezultatin në fund të pjesës së parë, ndërsa në minutat 65’ e 70’ Cake e Çinari shënaun super gola për 3:0. Golit të Varelovskit i’u përgjigjëm me golin e dytë personal të Çinarit për triumf 4:1.
….paraqitja bindëse….
Q. Osmani: “Sigurisht ngarkesa për ta fituar ndeshjen e bën të veten. Kjo u vërejt në pjesën e parë kur luanin shumë ngadalë dhe pa ide si të shpërthejmë mbrojtjen kundërshtare. Ndërkohë në të dytën me shënimin e golit të dytë mendon se u stabilizuam dhe luajtëm ashtu si duhet të luajmë e si pasojë erdhi edhe goli i tretë e i sigurisë. Mendoj se fitorja ishte bindëse dhe kështu duhet të vazhdojmë.“
….me epërsi prej dy golave ekipi luan lirshëm….
Q. Osmani: “Dëshira jonë ishte ta fitojmë ndeshjen pa gol të pranuar. Ishte me rëndësi sepse lojat që na presion sigurisht se do të duhet të vjen në shprehje loja e defanzivës.“
….sulmuesit e krahut aktiv në mbrojtje….
Q. Osmani: “Patjetër se më gëzon ky fakt sepse kemi situata kur mbrojtësit e krahut dalin krejtësisht përpara në finalizimin e aksioneve dhe detyrë të mbulojnë prapa e kanë sulmuesit e krahut Çinari në të djathtë e Shala në të majtë. Ata e bënë shumë mirë këtë dhe kjo është një nga arsyet pse kundërshtari nuk na krijoi shanse për të na rrezikuar.”
….edhe mbrojtësit aktiv në sulm….
Q. Osmani: “Është mirë kur shënon ndonjë prej lojtarëve që nuk e pret të realizojë. Cake shënoi gol të bukur që na dha neve qetësi. Mendoj se madhështia e një ekipi është kjo, pra kur shënojnë të gjithëve.”
….Më i bukur goli i Cakes apo i Çinarit?….
Q. Osmani: “Të dy ishin gola të bukur, ndoshta pozita më e vështirë ishte te goli i Cakes sepse duhej ta pranonte atë top para se të shënojë. Kështu që mendoj se ndoshta më i bukur ishte goli i Cakes.”