KF Shkëndija të hënën nis fazën përgatitore para gjysmës së sezonit pranveror në Ligën e Parë të futbollit të Maqedonisë së Veriut. Ekipi rikthehet në stërvitje pas një muaji pushim, duke filluar një kapitull të ri me shpresën e suksesit. Në këtë kohë pushimi, kryesia e klubit bëri ndryshime në stafin teknik, dhe nesër në orën 12:00 do të zhvillohet grumbullimi i parë në vitin 2024. Me këtë rast, përpara lojtarëve do të prezantohet zyrtarisht trajneri i ri, Jeton Beqiri, me shpresën për një bashkëpunim të frytshëm në rrugën drejt arritjes së objektivave.