Mesfushori defanziv ka nisur me stërvitje individuale, ndërsa ekipi mjekësor ndjek me kujdes rikuperimin që shpresohet të përfundojë para ndeshjes të së enjtes.

Kuqezinjtë vazhdojnë punën për ndeshjen e kthimit me Haverfordwest County AFC në raundin e parë eliminator të UEFA Europa Conference League. Fitorja 1:0 në Shkup len të hapur gjithçka rreth kualifikimit dhe skuadra me përqendrim maksimal përgatitet për të qenë e gatshme për detyrën që e pret në Kardif të Uellsit. 

Mesfushori Bruno Dita ka nisur me vrapime dhe lëndimi i gjurit duket se po përmirësohet, por akoma nuk është bashkuar me grupin. Ekipi mjekësorë do të vazhdojë ta ndjekë nga afër me shpresë se do të jetë gati për sfidën e të enjtes. 

Të dielën, sot (18:30) dhe nesër (09:30) skuadra do të vijojë punën në Tetovë, derisa pasditën e të martës udhëton drejt Uellsit. Ekipi në Kardif do të stërvitet të mërkurën kur do të mbahet edhe konferenca për shtyp, derisa të enjten në orën 20:45 luajmë ndeshjen e kthimit me Haverfordwest County.