Pas tre ditëve të lira futbollistët e Shkëndijës sot vazhdojnë me seancat e rregullta stërvitore. Pas ndeshjes të së dielës me Horizontin, lojtarët u lanë të lirë për disa ditë, duke ditur se në kampionat pason pauzë dy javore për shkak të terminit të UEFA-së për ndeshje kontrolluese të ekipit përfaqësues. Kjo ka bërë që stafi teknik të mendojë për të pushuar futbollistit pas rritmit të ndeshjeve të shpeshta. Për dallim nga përvoja e pauzave të kaluara kur zhvilloheshin ndeshje kontrolluese, kësaj rradhe stafi teknik ka vendosur që të mos ketë diçka të tillë dhe ekipi të përqëndrohet në seancat stërvitore për eleminim të paraqitjeve negative në lojë. Por kjo nuk don të thotë që futbollistët me minutazh më të vogël nuk do të kenë ndeshje! Me vendim të stafit teknik, një pjesë e lojtarëve të ekipit të parë të martën do të jenë pjesë e skuadrës B në përballjen me Sileksin në Kratovë. Ndërkohë lojtarët që kanë bartur barën më të madhe ndeshjet e kaluara do të zhvillojnë stërvitje të rregull, me mungesa të rëndësishme si Marko Jovanovski që është grumbulluar me përfaqësuesen A të Maqedonisë dhe Besir Demirin e Marjan Radeskin që janë pjesë e Maqedonisë U21.