Transferimi i fundit i Shkëndijës, Ronaldo Webster në një prononcim ekskluziv për kanalet e klubit ka folur për kalimin e tij në Tetovë. Xhamajkani që vjen nga Bregallnica e Shtipit nuk fsheh kënaqësinë për tu veshur kuqezi, derisa flet për pritjen që i është bërë në Shkëndijë, emrin e tij Ronaldo, pritjet në fanellën e re dhe premtimin për tifozët kuqezi.

Webster: “Ndihem i kënaqur të jem këtu. Jam i motivuar dhe gati të jap gjithçka në fushë për këtë ekip me histori.”

…ofertat tjera…

Webster: “Shkaku i projektit që ma kanë prezantuar mua, unë dua të garoj në Evropë këtë vit dhe prandaj unë zgjodha Shkëndijën.”

…çka din për Shkëndijën…

Webster: “ E di, është klub historik dhe unë jam gati për të fituar sërish titullin kampion.”

…pritja te Shkëndija…

Webster: “Po është mirë. Gjithçka është shumë profesionale dhe unë jam i lumtur, secili më ndihmon të ndjehem i mirëseardhur. Prandaj jam i kënaqur që jam këtu.”

…emri juaj Ronaldo Romario Webster tërheq vëmendje…

Webster: “Mirë, e dini, babai im ka qenë gjithashtu futbollist në të kaluarën e tij. Vendi i tij i preferuar është Brazili, ai mbështet Brazilin dhe unë mendoj se më ka vendosur emrin e futbollistit brazilian, Ronaldo, R9. Kjo është rruga si mora emrin tim, duke falenderuar babain tim.”

…pëlqen emrin, apo don më shumë të njihesh si Webster…

Webster: “Unë pëlqej këtë emër, sepse e dini se legjendat kanë këto emra. Por unë dua të jem Webster sepse po tentoj të krijoj emrin tim  personal.”

…premtimi për tifozët…

Webster: “Mund të presin shumë surpriza nga unë në këtë gjysmë sezoni. Shumë gola, shumë kontribut për këtë ekip. Unë pres që titulli kampion të vijë në Tetovë.”