Shkëndija duhet të presë për ndeshjen e parë kontrolluese në vitin 2024, pasi që dueli i sotëm me anëtarin e Ligës së Dytë, KF Arsimi Çegran, përfundimisht nuk do të luhet.

Të rreshurat e borës kanë detyruar kryesitë dhe stafet teknike të dy klubeve që të anulojnë përballjen e planifikuar. Duke llogaritur periudhën specifike të fazës përgatitore në të cilën gjenden skuadrat, vendoset mos rrezikohet që si pasojë e kushteve të vijë deri te ndonjë lëndim i padëshiruar. 

Mungesën e ndeshjes dhe ngarkesave të parashikuara për testin me Arsimin, futbollistët kuqezi do ta kompensojnë me seancë të rregullt stërvitore në palestër dhe terren.