![No image](https://www.kfshkendija.com/wp-content/uploads/2023/11/A57534E1-686F-4B8A-9802-BA414E09C4BA-816x459.jpeg)
Mesfushori ka nisur me stërvitje të lehta, pasi 6 javë kishte këmbën në gjips si pasojë e dëmtimit në fillim të sezonit.
![](https://www.kfshkendija.com/wp-content/uploads/2023/11/58B7704B-D1E6-4C77-8476-626A6A099F09-1024x1024.jpeg)
Katër muaj pas dëmtimit, Florent Ramadani ka nisur me stërvitje në terren. Mesfushori u dëmtua në ndeshjen e parë të sezonit të ri në fushë të Voskës (06/08/2023), kur pas një starti të ashpër ashpër pësoi thyrje të tibias (ashti i këmbës poshtë gjurit).
23 vjeçari për 6 javë kishte këmbën në gjips, ndërsa ka ndjekur gjithë rekomandimet e ekipit mjekësor në fazën e rehabilitimit. Duke qenë se gjendja është përmirësuar dukshëm, Ramadani tashmë ka nisur me stërvitje më të lehta në terren, nën mbikqyrjen e trajnerit kondicional, Ivan Jovanovski.
![](https://www.kfshkendija.com/wp-content/uploads/2023/11/504E1A30-638A-4D0A-80FF-E7D85277844D-1024x1024.jpeg)
Pasi bëhet fjalë për një prej lëndimet më serioze për futbollistët, në asnjë moment nuk do të nxitohet me kthimin e tij. Duke ngritur nivelin e përgatitjes fizike, do të ndiqet edhe gjendja e këmbës së lënduar dhe nga kjo do të varet momenti kur lojtari do të jetë i gatshëm për rikthim në terrenet futbollistike.
![](https://www.kfshkendija.com/wp-content/uploads/2018/11/MAYA-Web_Banner_1.gif)