Zija Merxhani dhe Florent Ramadani janë rikuperuar me sukses dhe së shpejti pritet të konkurojnë për formacion. Në fakt Ramadani zhvilloi 2-3 minuta në testin e fundit me Liepājan. 

Me gëzim dëshirojmë të njoftojmë publikun se futbollistët tanë, Zija Merxhani dhe Florent Ramadani, janë në rrugën e rikuperimit pas dëmtimeve serioze të pësuara e që ishin arsye për mungesë të gjatë e disamujore nga terrenet e blerta. Merxhani u dëmtua në korrik të vitit 2023, ndërsa Ramadani në fillim të sezonit të ri, por tani ata janë pranë momentit të rikthimit në fushën e lojës. 

Me përkushtimin e tyre të palëkundur dhe trajnimin e vazhdueshëm nën mbikqyrjen e ekspertëve, ata po përparojnë me sukses drejt rikthimit. 

Nëse Ramadani është më pranë rikthimit, pasi tashmë u aktivizua 2-3 minuta në fund të ndeshjes me Liepājan, Merxhani duhet të presë edhe pak pasi stërvitet edhe me grupin, por akoma është gjysmëaktiv. Brenda 2-3 ditëve do të kemi pasqyrë më të qartë nëse do mund të aktivizohet me ngarkesa maksimale. 

Megjithatë, për të qenë plotësisht të gatshëm për ngarkesat maksimale në fushën e lojës, të dy futbollistët do të vazhdojnë rehabilitimin dhe përpjekjet për të përmirësuar kondicionin fizik. 

Të gjithë ne në KF Shkëndija presim me padurim rikthimin e tyre dhe jemi të sigurt se do të japin një kontribut të rëndësishëm për ekipin tonë.