![No image](https://www.kfshkendija.com/wp-content/uploads/2022/10/06AE5F08-2804-4617-8CAB-4282D867AF8E-816x459.jpeg)
Sulmuesi 17-të vjeçar shihet si talent i së ardhmes dhe firmos kontratë afatgjatë me Shkëndijën.
Klubi i Futbollit Shkëndija me kënaqësi komunikon firmosjen e kontratës profesionale me sulmuesin e ri, Zani Nazifi. 17-të vjeçari nga Cërnilishta e Prilepit vite më parë u rekrutua në shkollën e futbollit Shkëndija, ndërsa ngritja e vazhdueshme e performansave ka bindur drejtuesit që ta shpërblejnë me kontratë profesionale me kohëzgjatje prej pesë viteve.
![](https://www.kfshkendija.com/wp-content/uploads/2022/10/A7D0003D-526C-4F98-B23C-3A7DD1792060-1024x1024.jpeg)
“Është moment shumë i rëndësishëm në jetën time. Të firmos kontratë profesionale me Shkëndijën është realizim i një ëndërre. Ky klub i madh dëshirohet nga çdo i ri jo vetëm nga vendi jonë, por edhe më gjërë dhe unë jam shumë krenar për veten dhe familjen që fitoj besimin për të mbrojtur këto ngjyra. Jam shumë i motivuar të punoj me impenjim maksimal për të arsyetuar besimin e drejtuesve të klubit dhe trajnerëve”, është shprehur Nazifi pasi hodhi firmën në kontratën me Shkëndijën.
![](https://www.kfshkendija.com/wp-content/uploads/2022/10/AC382E4C-3C62-4A3E-8FE7-C5B216EF0BE1-1024x1024.jpeg)
Zani Nazifi është anëtarë i rregullt i përfaqësueses U 19 të Maqedonisë së Veriut. Te kuqezinjtë u afrua tre vite më parë nga Pobeda e Prilepit, ndërsa përveç paraqitjeve me ekipet e moshave, kohë pas kohe grumbullohet edhe nga ekipi i parë, derisa tashmë ka regjistruar 7 paraqitje zyrtare. Debutoi me seniorët më 19 shkurt 2022 kundër Borecit dhe deri në fund të sezonit të shkuar regjistroi 6 paraqitje. Në sezonin aktual ka zhvilluar 11-të minuta në sfidën e parë të edicionit të ri përballë Sileksit.
![](https://www.kfshkendija.com/wp-content/uploads/2018/11/MAYA-Web_Banner_1.gif)