Me kualifikimin në gjysmëfinale të Kupës së Maqedonisë Shkëndija realizoi objektivin në këtë garë, ndërsa deri në pushim mbeten edhe dy ndeshje kampionale. E para prej tyre në program është të dielën në Kratovë kundër Sileksit. Pas dy fitoreve kundër Vardarit atmosfera në skuadër është shumë pozitive dhe kërkohet që e njëjta të bartet në kampionat ku ekipi ka nevojë për fitore për të vazhduar ndjekjen e pozitës së parë në renditje. Sileksi nuk është ekip naive dhe vendi i tretë flet për performansat e mira të tyre këtë sezon, prandaj të gjithë në taborin e Shkëndijës kërkojnë respekt për kundërshtarin dhe impenjim maksimal në kërkim të rezultatit të dëshiruar.