Shpresat e Shkëndijës u mundën 1:0 nga Otran i Malit të Zi në gjysmëfinalen e parë dhe kështu humbën mundësinë që të pretendojnë trofeun. Otranti i Malit të Zi që njëjtë si Shkëndija është pjesëmarrës i rregullt i këtij turneu, në finale fitoi 3:0 Partizanin B dhe fitoi për herë të parë trofeun e ‘Kupës Pavarësia’. Skuadra e katërt pjesëmarëse ishte Feronikeli nga Kosova, që në gjysmëfinale u mund 1:0 nga Partizani B.

Shpresat e Shkëndijës përkundër mos kualifikimit në finale, lanë përshtypje të mirë dhe nga ana e organizatorit u shpallën ‘skuadra Fair Play’ e turneut. Kujtojmë që kjo ishte hera e 6-të që Shkëndija ishte pjesë e këtij turneu, ndërsa fitoi trofeun në vitin 2012, në edicionin më madhështor me rastin e 100 vjetorit të themelimit të shtetit shqiptar.