Shefit Shefiti ka shënuar golin e vetëm për Shkëndijën në barazimin 1:1 me Shkupin në ndeshjen e xhiros së 8-të të Ligës së Parë për ekipet B.

Shkëndija dhe Shkupi janë ndarë me barazim 1:1 në ndeshjen e xhiros së 8-të të Ligës së Parë për skuadrat B. Ekipi i drejtuar nga Jeton Beqiri në përbërje kishte disa futbollistë të skuadrës së parë që në kampionat nuk kanë qenë titular dhe përmes paraqitjes në ekipin B kompensojnë minutazhin dhe mbajnë aktive formën garuese. Shkëndija avansoi e para në minutën e 23-të me anë të Shefit Shefitit, ndërsa rezultatin final 1:1 e vendosi Demir Huseini në minutën e 63-të. Pas 8 xhirove të zhvilluara Shkëndija është lidere në Ligën e Parë për ekipet B.