Shpresat e Shkëndijës kanë triumfuar me rezultat 3:1 përballë Renovës në derbin lokal të xhiros së 13-të në Super Ligën e Juniorëve të Maqedonisë. ‘Kuqezinjtë’ zhvilluan një pjesë të parë të shkëlqyeshme kur edhe realizuan tre golat që u treguan vendimtar për epilogun e takimit. Shefit Shefiti ishte ai që zhbllokoi rezultatin në minutën e 18-të të takimit, ndërsa në minutën e 30-të Agon Husejni dyfishoi rezultatin për epërsi 2:0. Tre minuta para fundit të pjesës së parë, Arbin Zejnullai shënon për avantazh bindës 3:0. Në pjesën e dytë Shkëndija vetëm administroi lojën, ndërsa Renovë në minutën e 71 arritën të zbusin rezultatin në 3:1 me penaltinë e realizuar nga Remzifaik Selmani.