Shorti i hedhur sot në Nyon të Zvicrës ka përcaktuar që Shkëndija të përballet me Gentin nga Belgjika në fazën e play offit të Liga Evropës. ‘Kuqezinjtë’ kanë zhvilluar verë fantastike evropiane duke eliminuar ekipe favorite si Krakovia (Poloni), Neftchi (Azerbajxhan) dhe Mllada Boleslav (Republika Çeke), duke arritur një hap pranë kualifikimit në fazën e grupeve të Liga Evropës. Pengesa e fundit quhet Gent me të cilët Shkëndija do të përballet më 18 gusht në transfertë ndërsa ndeshja e kthimit në program do të jetë më 25 gusht në Shkup.