Sot në hapësirat e Federatës së Futbollit të Maqedonisë së Veriut u hodh shorti për fazën e 1/8 të finales së kupës. Shorti caktoi që në 1/8 e finales së kupës të përballemi me skuadrën e Renovës. Edhe në këtë fazë do të luhet vetëm një ndeshje, e cila është caktuar që të zhvillohet më 20 tetor me fillim në orën 14:00.

Kuqezinjtë kaluan në këtë fazë të garave të kupës pasi në 1/16 e finales e eliminuan ekipin e Kit Go nga Pehçeva me rezultatin 0:2.