Shkëndija vizitohet nga drejtori akdemisë së Barcelonës

Drejtori i Akademisë së Barcelonës për projekte në Evropë, Inaki Andreu ka qëndruar sot në zyrat e klubit, duke realizuar takim me anëtarë të kryesisë së klubit. Shkëndija ndjehet e privilegjuar pasi spanjoli zgjedh si klub të parë në Maqedoni për të realizuar këtë vizitë.

Shkëndija sot ka pasur një vizitë të rëndësishme, me ndërmjetësim të Ministrit për Investime të Huaja të Republikës së Maqedonisë, z.Goran Mickoski, në zyrat e klubit ka qëndruar zyrtari nga FC Barcelona, Inaki Andreu drejtor i projekteve të Akademisë së Barcelonës për  Evropë. Ai ka realizuar takim me zëvendës presidentin e klubit, z.Agim Kurtishin dhe udhëheqësin e Departamentit për Marëdhënie me jashtë, z.Alban Bogaj. Palët kanë vizituar edhe stadiumin ekzistues projekti për rikonstruimin e të cilit pritet të filloj shumë shpejtë. Në takim është folur për zhvillimin e  Akademisë, mysafirit i është spjeguar historia e klubit dhe projekti që është në ndërtim e sipër prej kur “Ecolog” është sponsor i Shkëndijës.

Në të ardhmen e afërt priten edhe takime të tjera me synim realizimin e projektit të shkollës së futbollit sipas standardeve më të larta ndërkombëtare.

Share Now

Related Post