Xhiroja e 4 e Ligës së Parë për ekipe B ka sjell derbin e madh ndërmjet Shkëndijës dhe Vardarit, në të cilën fitorja i ka takuar ekipit tonë me rezultat 1:0. ‘Kuqezinjtë’ që në start vendosën dominim dhe në minutën e 2-të fituan penalti kur goditja e Kirovskit u ndal me dorë. Bojan Vruçina gjuajti nga pika e bardhë, mirëpo portieri kundërshtar Filip Trajçevski priti goditjen e tij. Momenti i vendimtar i ndeshjes erdhi në minutën e 51 kur pas një tollovie në zonën kundërshtare, mesfushori kosovar Meriton Korenica arrin të shënojë për epërsi dhe fitore të Shkëndijës. Me këtë triumf ekipi ‘kuqezi’ shkon në kuotën e 10-të pikëve dhe mban pozitën e parë në renditje.