Pionerët e rinjë në gjysmëfinale të Kupës

No image

Shkëndija avanson në gjysmëfinale të Kupës së Maqedonisë në kategori të pionerëve të rinjë, duke kaluar përmes Vardarit. Ndërkohë eliminohen kadetët dhe juniorët.

Skuadra e pionerëve të rinjë të Shkëndijës është kualifikuar në gjysmëfinale të Kupës së Maqedonisë, pasi në çerekfinale eliminoi Vardarin. Djelmoshat e trajnerëve Ibraim Luma dhe Taxhedin Kasami në ndeshjen e kthimit në Tetovë shënuan fitore 2:1, duke u kualifikuar në mesin e katër më të mirëve me rezultat të përgjithshëm 4:1. Të motivuar nga epërsia 2:0 që kishin nga ndeshja e parë në Shkup, pionerët e rinjë të Shkëndijës hynë me dëshirë për të vërtetuar kualifikimin. Vetëm pas 8-të minutave lojë Atdhe Mazari gjeti rrjetën kundërshtare për epërsi 1:0 të Shkëndijës. Mirëpo Vardari nuk u dorëzua dhe në minutën e 12-të barazoi në 1:1 me anë të Ibrahim Arif. Shkëndija vazhdoi të insistojë në pjesën e dytë dhe 10-të minuta para fundit kapiteni Raman Alii shënon për fitore 2:1.

Për dallim nga pionerët e rinj, eliminim në çerekfinale kanë pësuar kadetët dhe juniorët. Ekipi i kadetëve u eliminua nga Rabotniçki pasi u mund 0:1 në Tetovë, ndërsa humbi 4:1 në Shkup. Skuadra e juniorëve eliminohet nga Renova. Takimi i parë u mbyll pa gola, ndërsa në revansh Renova fitoi 1:0 dhe siguroi kualifikimin.

Share Now

Related Post

Leave us a reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.