Futbollistët ‘kuqezi’ të mërkurën në orën 18:00 përballen me Lokomotiv Zagrebin, në ndeshjen e fundit kontrolluese para përballjeve të Liga Evropës kundër ekipit polak, Krakovia.

Shkëndija ka 9-të ditë deri në takimin e parë në Liga Evropa, me ndeshjen e parë që do ta zhvillojë si vendase. Pasi të hënën ndoqën direkt hedhjen e shortit futbollistët ‘kuqezi’ dhe stafit teknik kanë nisur grumbullimin e informatave në lidhje me kundërshtarin, ndërsa në këtë drejtim tani më do të niset të përgatitet edhe strategjia anti-Krakovia. Atmosfera në skuadër është shumë e mirë, ndërsa ngadalë përmirësohet edhe bilansi shëndetësor.
Pas ndeshjes kontrolluese me Wolfsbergerin e Austrisë, në lëndime u ankuan Ibraimi dhe Juffo, ndërsa prej më parë jashta procesit stërvitor të grupit qëndronte Alimi që kishte zgjatur kofshën. Ky i fundit është përmirësuar dukshëm dhe nga e hëna ka nisur të vrapojë lehtë, ndërsa pritet shpejt t’i bashkohet punës me lojtarët tjerë.

Shkëndija vazhdon përgatitjet në Rogashka Sllatina të Sllovenisë, ndërsa të mërkurën zhvillon provën gjenerale para përballjeve me Krakovian në Liga Evropa. Kundërshtar i ‘kuqezinjëve’ është Lokomotiv Zagrebi, kundër të cilëve duhet të gjeneralizohen pjesa më e madhe e dilemave për formacionin startues, megjithsë mbetet edhe një javë kur përmes seancave stërvitore stafi teknik do të vendos për 11-shen e parë. Ndeshja Shkëndija-Lokomotiv Zagreb luhet të mërkurën me fillim në orën 18:00 në vendin e quajtur Cirkulane në afërsi të Ptuj-it.