Pas zyrtarizimit të marrëveshjes me KF Shkëndija, mbrojtësi Jan Krivak ka folur për kanalin zyrtar të klubit.

• “Jam i lumtur për këtë mundësi, premtoj se do të luftoj për ngjyrat e klubit”
• “E dij se Shkëndija vitet e fundit është klubi më i suksesesshëm në Maqedoni”
• “Kisha më shumë oferta, por kjo ishte më tërheqëse për mua dhe vij me qejf”
• “Kam luajtur kundër Shkëndjës në miqësore, prej atëherë e ndjek klubin”

Mbrojtësi i ri i Shkëndijës, Jan Krivak ka folur me shumë entuziazëm pas firmosjes së kontratës me kuqezinjtë për 2.5 vitet e ardhshme. Futbollisti kaloi me sukses testet mjekësore në Prishtinë, para se të zyrtarizohej si angazhim i ri i klubit, ndërsa 26-të vjeçari nuk ka fshehur kënaqësinë që bëhet pjesë e Shkëndijës. Krivak duket i njoftuar mirë me ambiciet e klubit dhe premton maksimumin për realizimin e objektivave, ndërsa potencon se ka ndjekur rregullisht Shkëndijën prej dy vite me parë kur si lojtar i Podbrezovës ishte përballur me kuqezinjtë në një ndeshje testuese në Turqi.

Jan Krivak: “Përshëndetje Shkëndija. Unë ndjehem shumë mirë, jam shumë i lumtur për këtë mundësi dhe premtoj se do të luftoj për ngjyrat e klubit. E dij se është klubi më i suksesesshëm vitet e fundit në Maqedoni. E dij klubin dhe e kam ndjekur kohët e fundit.”

Jan Krivak: “Të vija këtu sigurisht më bindi fakti se Shkëndija ka ambicie të mëdha. Kisha më shumë oferta, por kjo ishte më tërheqëse për mua. Klubi kërkon tituj, Ligën e Kampionëve dhe është ekip shumë i mirë dhe unë nuk kisha dyshime për të ardhur këtu. Unë dua të luftoj për këtë klub, sepse është klub shumë ambicioz që luan për vendin e parë, mendoj është klubi më i mirë në Maqedoni dhe gjithashtu jam i sigurtë se nuk do të humbim edhe në garat europiane.”

Jan Krivak: “Po unë kam luajtur kundër Shkëndijës në ndeshjet përgatitore në Turqi kur unë isha pjesë e Podbrezovës, ne humbëm 2:0, Shkëndija na dominoi, luajtën shumë mirë. Nga ai moment unë kam mbajtur mend klubin dhe e kam ndjekur vazhdimisht.”

Jan Krivak: “Çka mund të premtoj për tifozët? Mund t’u premtoj tifozëve se do të luftoj për këtë klub dhe unë do të jap gjithçka në terren për ekipin.”