Skuadra kuqezi vazhdon rritjen në të gjithë sektorët, ndërsa së fundmi është shtuar edhe revista e klubit. Tani më zyrtarish ka dalë numri i parë i revistës zyrtare të KF Shkëndija, në të cilën gjeni përmbajtje të pasur nga periudha që lëmë pas.

Intervista ekskluzive me trajnerin Qatip Osmani dhe kapitenin Ferhan Hasani, përmbledhje e ecurisë së skuadrës në eliminatoret e UEFA Europa League në përgjithësi dhe përballjeve historike me Milanin në veçanti, shpresat kuqezi në UEFA Youth League, jubileu “25 vite Ballistë”, domimi i Shkëndijës në sezonin vjeshtor të Ligës së Parë të Maqedonisë dhe materiale tjera kompletojnë numrin e parë të “Shkëndija magazinë”.