Biletat për ndeshjen Shkëndija-Vardari tanimë në shitje

Të mërkurën nis gjysmësezoni pranveror në LPFM me derbin Shkëndija-Vardari, ndërsa duke parë interesimin e madh të publikut që nga mesdita e sotme ka nisur shitja e biletave për këtë përballje. Të njëjtat mund të sigurohen në Fan Shopin zyrtar të klubit në qendër të Tetovës. Çmimi për një biletë është 100 denarë. Ndeshja nis në orën 14:00.

Shkëndija bëhet gati për përballjen e xhiros së 19-të të Ligës së Parë të futbollit të Maqedonisë përballë Vardarit të Shkupit të mëkrurën në stadiumin e qytetit në Tetovë me fillim në orën 14:00. Interesimi i madh i publikur për këtë ndeshje ka bërë që të merren gjitha masat për organizim të mirëfilltë të kësaj përballje të rëndësishme për skuadrën tonë. Për të eliminuar rëmujat e panevojshme dhe rradhët te stadiumi para fillimit të ndeshjes, biletat për sfidën Shkëndija-Vardari janë nxjerë në shitje prej sot në mesditë dhe të njejtat mund të sigurohen në Fan Shopin zyrtar të klubit në qendër të Tetovës. Shitja do të vijojë edhe të martën dhe të mërkurën, ndërsa ditën e ndeshjes (e mërkurë) do të hapet edhe sporteli te stadiumi i qytetit.
Çmimi për një biletë është 100 denarë.

Ndeshja Shkëndija-Vardari luhet të mërkurën në stadiumin e qytetit në Tetovë, me fillim në orën 14:00.

Share Now

Related Post